ابغى الكل يقرا

بسم الله الرحمن الرحيم


السلامُ عليكم ورحمة الله وبركاته ،،

أخواني وأخواتي أعضاء منتدى جزيرة العشاق أبغى من وقتكم خمس دقائق فقط لقراءة الموضوع وتأكدوا أنكم أنتم المستفيدين بإذن الله ...


شوفوا حبايب قلبي .. أكيد أنكم شايفين الناس هالأيام كيف قاعدين يسعون ويتفننون في طلب الرزق .. هذا راح يآخذ قرض ودخل بالأسهم والثاني طول يومه بمعارض السيارات والثالث أحترق وجهه بالصناعية وهذاك طاحت عيونه من كثر ماسهر ودرس وتعلم وهذا ماعاد شاف أهله من كثر مايدور بالمخططات والمساهمات العقارية .. و و و و و .. إلخ وبصراحة ماأحد يلومهم .. الكل يبي رزقه يكثر وينبسط بحياته ..

بس فيه شغله ناس كثير جداً جداً مافكروا فيها .. حتى أكبر العقليات الإستثنارية ماجت على بالهم إلا من رحم ربي ..
يقول الله سبحانه وتعالى (( فقلت أستغفروا ربكم إنه كان غفارا ** يرسل السماء عليكم مدرارا ** ويمددكم بأموالٍ وبنين ويجعل لكم جناتٍ ويجعل لكم أنهارا **))

الإستغفااااااار :: ياناس ياعالم الإستغفار سبب رئيسي لأشياء حلوة في حياتنا أشياء ياما وياما تمنيناها ...
من فينا مايحب المطر ..؟؟
من فينا مايحب المال ..؟؟
من فينا مايحب يكون عنده أولاد وبنات ..؟؟
من فينا مايحب يعيش بوسط جنات وأنهار في الحياة الدنيا ..؟؟

هذي كلها أشياء خيالية .. من جد خيالية .. وماهي صعبة ولا مستحيلة على رب العالمين سبحانه .. الله قادر أنه يحققها لنا .. بس إذا حققنا المطلوب منا .. وش المطلوب منا ..؟؟
شي واحد وبس .. ولا أسهل منه .. الأستغفااار والإكثار منه .. طيب أوكيه والنتيجه ..؟؟ أنا أقولكم النتيجة ...
النتيجة عسى ربي يحفظكم ويسلمكم إن الأستغفار .. سبب في نزول المطر بإذن الله .. وسبب في زيادة الرزق بالعربي زيادة المال .. وسبب في أن الواحد منا يرزق بالذرية الصالحة إن شاء الله .. وسبب في تحول أراضينا إلى جنات وأنهار .. وهذا موكلامي ولا كلام الشيخ فلان أو الداعية علان .. لأ هذا كلام الله سبحانه ...
فـ الله الله ياأخواني وياأخواتي في الأكثااار من الأستغفار ..

<< أستغفر الله الذي لاإله إلا هو الحي القيوم وأتوب إليه >>

وفي الختام أسأل الله العظيم رب العرش الكريم بأسمائه الحسنى وصفاته العلى أن يجعلني وإياكم من أهل الجنه .. آمــيــن ،،،




منقول
[center]

شكرا جزيلا
موضوع رائع
ان شاء الله تنالي الاجر عليه

جزاك الله خير على المعلومات القيمه ويجعلها في ميزان حسناتك